【全民打新】華勤技術食埋AI條水抽唔抽？

【Now財經台】智能產原始設計製造商(ODM)代理龍頭華勤技術(03296)，周三(15日)至下周一(20日)招股，股份預期下周四(23日)上市，集團覆蓋嘅產品包括智能手機、平板、智能穿戴、Notebook等，對比其他都招緊股嘅新股，華勤技術有冇吸引力？

高歌證券金融首席分析師聶振邦指，如果睇返呢個行業，華勤勝在夠穩定，因為智能產品方面持續有增長，對消費者嚟講，電子產品始終有一個持續換機需求。此外，華勤係行業龍頭，競爭力就相對較強。

聶Sir又話，華勤依家逐步轉移至人工智能(AI)相關領域發展，第2季將會有超節點相關項目，同英偉達(Nvidia)晶片嘅框架有關聯性，因此，集團未來業務方向未必再聚焦喺代工方面，反而會同AI有更大關聯性。