【專家分析】快手「受襲」變色情直播間揭內部隱患

【Now財經台】快手(01024)昨晚(22日)遭黑客「黑灰產」攻擊，大量色情內容湧入直播間，由於內容太多，快手都封唔切帳號，唯有關閉直播頁面，亦報咗警，雖然直播功能今日(23日)已逐步恢復，但快手股價仍一度急挫6%，低見62.7元，其後跌幅收窄，點睇今次事件？

元宇證券大中華區股票投資總監趙晞文指，其實快手今次處理得唔錯，但內部仍有改善空間，相對於其他社交平台可以自動封阻不良內容，快手仍要靠人手處理，就無辦法應對呢類網絡攻擊。

佢又指，政府部門未來有機會介入，進一步加強平台監管，審查開戶程序等，有可能對市場造成一啲震盪，但相信快手唔會因為今次事件而被罰。