【Now財經台】新盤湧現大手客，一般會一次過掃晒成層單位，呢類買家資金一般都好雄厚，又偏好600萬至1000萬元嘅單位，呢啲資金大舉湧入本港樓市，到底係因為外圍動盪而避險，還是特別睇好香港樓市？
美聯物業分析師岑頌謙相信，外圍環境不穩係其中1個重要因素，但其實本港樓市持續穩步向好，所以資金搵地方投資時，都有機會考慮香港樓市。
Benny解釋，因為本港樓市正全面復甦，唔同金額嘅物業成交都有所增加，反映不同購買力嘅買家，包括本地用家、投資者、換樓客及內地資金都重新入市。
此外，政府公布嘅經濟數據勝預期，對樓市復甦帶來一個較穩固嘅基本面，呢啲因素都會吸引唔同地方投資者投資香港物業。
