【Now財經台】日圓再度轉強，美元兌日圓曾高見155水平，升上逾兩個月高位，估計好大機會係日本央行出手干預，但始終上唔返160水平，到底係咪日央行再出手？
外匯策略專家張建泰指，至今仍未可以確認係一個干預行動，假如真係日央行干預，但日圓升幅唔大，反映對市場嘅震懾力唔大，加上日圓波幅冇之前咁大，如果真係有出手干預，力度就明顯唔夠。
Ken又話，依家市場有啲草木皆兵，見到匯市稍有波動就認為係政府出手，一啲資金較充裕嘅大戶，就會利用呢種情緒去殺淡倉，佢又認為，可能要等日圓見158水平，日央行先有更大動機再出手干預。
