【Now財經台】據《一手住宅物業銷售資訊網》數據顯示，一手成交已連續兩個月突破2000宗，截至4月28日止，今年一手成交8370宗，按年增長逾50%，相當於去年一手成交量40%，數字畀唔畀到市場驚喜？點睇5月市況，升勢可唔可以延續？
香港置業研究部董事王品弟表示，3月私人住宅指數報312.8，按月升1.4%，已連升10個月，創28個月新高，期內，樓價升4.4%，佢估計，今年一手市場繼續有力挑戰全年新高度。
佢續指，現時啟德嘅新盤比較搶手，但近期發展商定價未有太大變化，但估計第2季開始會出現變化，主要受地緣政治環境影響，如果供應持續減少，先會喺第3季作出策略調整。
