【Now財經台】科技股及人工智能(AI)概念股再度受追捧，費城半導體指數(SOX)連升18日，AI股再受追捧係咪純粹大跌後反彈？如果投資者想繼續參與AI主題，現階段應該偏向選擇邊類股份？
瑞士寶盛中國研究策略師及香港研究部主管鄧啟志指，AI需求仍然係大趨勢，過去兩年，任何涉及半導體或AI股份都會升，尤其是美股「科技7雄」(Magnificent 7)嘅圖形處理器(GPU)，不過，依家更多炒作係中央處理器(CPU)，見現今CPU相關股股價炒高，但Nvidia等GPU相關股至今仍未破頂，相信「M7」黃金時代已過。
Richard又話，半導體股依家再受追捧，但投資者要留意唔係全部AI股都會升，因此，佢建議揀同設備相關，例如數據中心、設計、晶圓等，原因係不論AI投資成功與否，呢類設備喺AI研發過程都係必需嘅，因此，相信呢類股份嘅盈利確定性係最高。
