【Now財經台】人工智能(AI)模型相關股智譜(02513)股價近日強勢，昨日(23日)一度創1078元上市新高，但股價今日反覆向下，更失守1000元關口，一度急挫逾7%，低見953元。熱門CALL輪最大分別喺行使價，但最貼都價外35%，參考作用係咪都唔大？引伸波幅有咩變化？
法興證券上市產品銷售部董事蔡秀虹指，智譜股價歷史波幅相當高，今個星期有相關CALL輪應市，發行商引伸波幅定價約180窩，屬於高水平，現時市場上產品最大分別喺行使價，一啲比較貼價，即約1200元至1300元，有部分更去到逾3000元，喺引伸波幅咁高之下，即使揀非常價外嘅條款，實際槓桿效應都分別唔大，反而有機會影響輪價，令窩輪造價對正股敏感，更易挑動溢價。
佢又指，即市資金較多選擇細粒啲嘅條款做短線部署，如果坐過夜或做中線部署，就唔需要太介意窩輪價格水平，因為最緊要都係反映正股波動。
EVA續稱，現時正股一路尋緊頂，所以暫時唔好揀太價外條款，因為引伸波幅仍處於較高水平，若之後正股波幅無法維持，引伸波幅有機會回落，愈價外條款對引伸波幅愈敏感，建議揀返啲防守性較高嘅產品，會更加穩陣。
