【Now財經台】今年第1季住宅新盤撻訂情況係點，點解數字會上升？係咪反映市場仍未消化晒負面因素，還是受買家當年高位入市影響？
中原地產研究部高級聯席董事楊明儀指，去年撻訂情況嚴重，最高峰係去年第3季，共有381宗，但第4季已大幅回落至154宗，其中，撻大訂比例佔近90%，雖然今年首季輕微回升至167宗，但見到樓市撻訂高峰期已過。
她又補充，今年首季撻訂最嚴重嘅屋苑係凱柏峰I及II，分別有40及15宗，主要係樓盤推出市場時，樓市仍未調整完，樓價下調後，買家計數後，發覺撻訂更划算，加上發展商又唔傾向追差價。
楊明儀續稱，發展商一般都會趁樓市旺重推撻訂單位，並會按市價調整，有機會減價或加價，佢又估計，今年新盤撻訂情況會有改善，預期全年有約550宗撻訂個案。
