【Now財經台】近期不少工商物業轉型，有管理公司將物業打造成面積較細、出租形式嘅24小時工作間或辦公室，多唔多用戶租用呢類工作間？租務合約靈活性有幾大？
仲量聯行項目策略及顧問部資深董事李遠峰指，呢類工作間面積介乎約300至500平方呎，都係一啲冇間隔，較獨立嘅空間，雖然大部分位於工業區，但亦會比較近住宅群，大角咀、葵涌、觀塘都係熱門地區。
佢又話，科技發展迅速亦會推動工作間需求，加上有機會跨時區工作，所以多咗唔少初創公司、個體戶租用，而呢啲工作間面積偏細，銀碼較一般大型工業項目細，加上租期短啲，適合啱啱創業嘅人士，因為投資冇咁大，租金最平約1萬元，裝修、配置較好嘅就介乎1.5萬至1.6萬元。
