【Now財經台】地政總署指出，已批出預售樓花，但仍未發售嘅私樓，3月有8116伙，按月減少約25%，係逾3年半以嚟最少，樓花減少係咪同發展商積極推售新盤有關？
美聯物業分析師岑頌謙指，其實係分開兩部分，首先係政府批預售樓花，其次係批咗又已經攞咗出嚟賣，就會減咗出嚟，所以見到上月減少25%，兩者都可以話係有關係，主要見到唔少發展商喺3月推盤，涉個約10個新盤，創2016年10月之後嘅9年半新高，反映發展商好積極推盤，而上月只係批咗1個中小型項目嘅預售樓花同意書，喺減少嗰部分大，增加嗰部分少之下，導致已批預售但仍未賣嘅單位數目，跌至逾3年半低位。
至於樓花減少呢個趨勢會唔會延續到第2季，Benny就話，踏入4月份，唔同發展商都繼續積極推盤，所以呢個數字今季有機會持續減少。
