【Now財經台】國際油價再度飆升，因為伊朗攻擊中東地區多個美國專屬能源施，為咗報復South Pars Field及Asaluyeh油氣田受襲，令市場再擔心能源供應中斷問題，倫敦布蘭特期油突破每桶110美元，紐約期油就重上100美元水平，不過，仍低過開戰早期高位，即119.5美元，點睇依家嘅局勢？值得留意係，之前話「由得油價升」嘅美國總統特朗普(Donald Trump)指，已要求以色列唔好再攻擊伊朗嘅天然氣設施，係咪想為戰事降溫兼紓緩油價升壓？
工銀亞洲金融市場部高級經濟師程嘉偉指，除非中東局勢再明顯惡化，以布油嚟講120美元水平已經係偏高，隨著戰情Cool Down相信價格回落速度會好快，以昨日為例，油價單日波幅係好大，一般嚟講，發生咁重大襲擊事故，油價收市時應該仍錄得好大升幅，但昨晚升幅顯著收窄，反映市場對油價單邊升嘅預期較細。
Gary又估計，若戰事持續，布油將會喺103美元至120美元呢個區間震盪一段時間。
通脹方面，雖然數據未出，但睇返各國央行嘅講法，似乎已發咗預警，通脹走勢會同之前唔同，反映全球都面對通脹壓力。
程嘉偉認為，其實美國聯儲局主席鮑威爾(Jerome Powell)嘅言論都比較溫和，因為唔想市場大幅波動，佢估計，美國今年唔會減息，原因係...
