【Now財經台】據中原數據顯示，2月工商舖買賣約289宗，涉及金額約32.7億元，較1月略為減少，主要受咩因素影響？整體表現較預期好還是差？邊類商用物業交投較活躍？
中原工商舖董事總經理潘志明指，2月主要受農曆新年假期影響，傳統上農曆年前後都係比較淡靜，尤其一啲貴重物業買賣都會等新年之後再做決定。
佢續指，由於金融業陸續復甦，所以見到唔少金融機構租用甲廈，更有一啲規模較大嘅金融機構買入甲級寫字樓，所以見到近期甲廈成交係活躍咗，當中不乏大機構購入自用，而成交呎價格都上返1.5萬至1.9萬元呢個支持位。
