【Now財經台】香港上海滙豐銀行主席王冬勝表示，中國作為全球最大貿易國，人民幣國際化勢在必行，本港可吸納各國在貿易結算後持有的剩餘人民幣，發揮金融中心的優勢。
本港正積極配合國家「十五五」規劃，推進人民幣國際化，為加快建設金融強國作出貢獻，王冬勝接受本台與《信報》聯合製作節目《一語千金》訪問時指，中國作為世界最大貿易國及第二大經濟體，正逐步形成人民幣結算貿易網絡，人民幣國際化是勢在必行，香港要把握時機發揮優勢，吸納各國貿易結算後持有的剩餘人民幣。
王冬勝說:「係一個雙贏嘅局面，因為點解呢，第一，喺香港嘅人民幣係可以兌換嘅，因為係離岸人民幣，第二，人民幣喺香港可以買港股，第三，如果喺香港可以經過滬港通，入返去中國裡面投資，呢個係有一個好大優勢，同埋如果呢啲人民幣嚟到香港，個資金池就大好多，當你嘅資金池大嘅時候，就可以創作多好多人民幣產品。」
對於往後人民幣產品發展，他表示，將取決於匯率及資金池規模。
王冬勝說:「最緊要係計價時嘅匯率，人民幣兌港幣，或人民幣兌其他外幣嘅匯率，個差價係點樣，成交有幾大，例如有啲人話，我依家要換錢，係咪好容易處理到呢啲問題。」
目前，本港離岸人民幣資金池規模約1萬億元，王冬勝強調，要隨著市場發展不斷擴大，才可支撐國際金融中心的地位。
王冬勝說:「係錢吸錢嘅概念，依家我哋國家嘅儲蓄率其實係好高，嗰度啲錢我都唔記得幾多萬億、幾十萬億，如果呢啲儲蓄一出嚟，如果有啲可以嚟香港投資的話，呢個金額就真係好大，對香港嚟講，就變成一個世界性、好大嘅金融中心。」
他又稱，內地企業「走出去」仍依賴香港的金融專業服務，以滙豐銀行為例，在亞太區已有逾百年業務經驗，熟悉各地文化及監管，是企業「出海」的理想伙伴。
