【Now財經台】內地嬰兒產品品牌BeBe Bus嘅母公司不同集團 (06090)喺2019年創立，專攻中高檔消費者，賣BB車及BB床等產品，今年上半年整體毛利率近50%。不過，內地生育率唔高，貴價嬰兒用品市場前景值唔值得憧憬？
《香港股票財技密碼》作者梁杰文認為，喺全球生育率不斷跌下，不同集團喺股市要上山坡，但佢認為，公司有明確嘅品牌故事，就係「雖然生少咗小朋友，但呢一代父母會較緊張BB嘅發展，所以唔介意花更多錢買高質嘅BB用品」，令不同集團喺短短6年間已站穩腳。
不同集團喺2024年中國育兒品牌商品交易總額(GMV)，市佔率被排第1位嘅日本品牌拋離，排行第2位，Mike相信，係因為唔少父母擔心內地品牌嘅BB有安全風險，所以買外國品牌所致。佢又提醒，不同集團嘅嬰兒用品以耐用品為主，所以回購率唔高，較消耗品需求更細，因此，佢對集團長遠發展潛力有保留。
