【now.com財經】有老友話有一個住公屋的親戚，以前曾經有機會以十幾萬買返自住公屋，但當時有政治人物叫佢唔好買，仲話政府唔可以踢走他們，如果買返自住公屋，雖然價錢係平，但要負責維修，這是政府的陰謀，目的是將維持責任轉移到公屋居民，最近，政府話佢超出住公屋資格，要收返間公屋，現在非常呻笨，點解當日唔買咗間自住公屋，無端端唔見咗幾百萬。
老友可能唔知道，莫講是他親戚，就算英國政府都犯同樣錯誤，在簽南京條約時，英國政府要求清政府割讓香港，大家都叫這是不平等條約，而不平等條約是會轉向，弱的一方如果強大，天秤就會轉向他，所以，就出現香港回歸，聯合國都冇嘢講，因為這是一條不平等條約，如果當日英國政府是向清政府買下香港，香港未必會出現回歸，因為這是一個交易。
普京與特朗普在阿拉斯加會面，特朗普軟硬兼施，地下鋪紅地氈，天空B-2轟炸機，普京不為所動，政府分析員的評論是雙方小勝，但我認為普京是輸了，不過，並不是俄烏戰爭，而是阿拉斯加，今次美俄選擇在阿拉斯加會談，代表普京承認阿拉斯加是美國的合法性，而且，大家可以從阿拉斯加看美國人政治智慧。
英國人的政治智慧是可以搶就唔買，美國人是可以買就唔搶，美國人以720萬美元買下阿拉斯加，以1,500萬買下路易士安那州，今日都是美國的合法領土，反觀英國政府，當日強迫清政府割讓香港，但最後要回歸，但如果是一項交易，今日香港就是大英帝國的合法領土。
