【Now財經台】近期假冒券商網絡騙案肆虐，有網絡安全專家表示，券商普遍採用的保安措施難以防範新詐騙手段。證券業界則建議當局設立不法分子資料庫，協助券商由源頭堵截騙案。
近期假冒券商短訊持續湧現，不法分子透過偽造券商網站盜取證券戶口登入資料，操控受害人戶口炒賣「仙股」變相套現，多宗個案受害人損失逾百萬元。
有網絡安全專家指出，黑客手法不斷演變令人更難防範。
Dark Lab創辦人顏國定說:「最近我哋睇到嘅假冒券商騙案，登入之後佢(騙徒)唔係攞錢走，因為攞錢走可能又要多啲雙重認證，甚至乎有啲要做實體認證，我哋看到佢入咗去個戶口之後，佢用你嘅錢去炒『仙股』，呢啲都係騙案嘅手法轉咗，唔一定要攞錢走。」
他又稱，雖然絕大部分券商已採用雙重認證，包括透過短訊、應用程式或綁定裝置等方式驗證身份，但這些只是最基本的措施，黑客都有能力破解。
顏國定說:「做得好啲嘅公司，會再加好多監控措施，例如一個用戶喺香港嘅IP地址登入之後，可能喺第二個地區
再登入，甚至乎用一啲browser去登入時已經唔同咗，都可能發現到呢個可能係異常交易，立即可以停止呢個交易。」
他又認為，現時很多券商的網絡保安工作未能對症下藥，有必要加強識別新攻擊手法，監控異常交易及通知客戶，又認為監管部門應加強罰則。
對於曾有苦主投訴戶口被盜用時，未有收到券商通知出現異常交易，業界又點睇？
香港證券及期貨專業總會會長陳志華說:「券商已經投放咗好多資源，漏洞通常都係客戶嗰邊，客戶事發時可能手機、電腦被人攻擊自己都唔知，被人盜竊咗手機短訊都唔知。另一方面我都幾擔心，因為好多券商都係聘用第三方電腦供應商，如果只係攻擊電腦供應商，咁就會有『火燒連環船』嘅情況出現，好多券商都會出事。」
早前，證監會已就防範黑客入侵風險，向業界發出沒有約束力的指引，陳志華預期，證監會年底前將會發出通函，強制券商停用短訊一次性密碼，他所屬的業界組織亦已就《施政報告》建議當局建立券商共用黑名單資料庫，紀錄不法分子身份、交易行為及詐騙類型等，協助業界阻截攻擊，繼而提升本港金融市場的透明度及安全性。
