【Now財經台】由美國50間地區銀行組成的「區域銀行股指數」(KRX)，截至上周五(6月27日)止，今年累跌近3.6%。過去3年及5年，美國地區銀行股總回報，分別跑輸標指20至約48個百分點，呢類股份值唔值得投資？
獨立市場策略師陳俊文指，地區銀行股比較落後，主要係大型銀行股表現亮麗，加上去中介化壓力大，令中型銀行股長期落後。兩年前，美國地區性銀行爆發危機，更有個別銀行倒閉，喺競爭劇烈下，中型銀行能否生存仍然係一個問號。
Norman又話，長線嚟講，中型銀行股難有催化劑，雖然估值平，但前景冇好轉跡象，所以暫時唔睇好呢類股份。
