【now.com財經】嚟到5月最後一個交易日，依家9點8分指數仲行緊U盤，但如果用噚日收市價計嘅話，5月累升1,454點或6.57%。睇返噚日期結日，指數Chok上Chok落嘅速度比較快，Day Trade真係唔易做，還好作戰室班戰友訓練有素；即開即食，無太多嘅顧慮同煩惱。
依家9點49分，作戰室已經有幾注貨即日開出食埋，皆因第一個出淡倉嘅Check Point就係追咗個五分鐘圖 Slow STC(14.3)落返超賣先。
第二個Check Point就要等10點後指數擺位仲係唔係喺10/20/100線以下，有嘅話注淡倉就可以進一步追埋小時圖嘅Slow STC(14.3)兩線落到超賣。
10點後有見指數同Slow STC(14.3)繼續向下，同時指數今日有重新再向牛證街貨方向出發，10點三個字都未到，恒指已經將第一層嘅牛證全清，即有穿過23,200點呢口價，皆因為層牛只得一隻，而收回價係23,200點。
少少有見指數於23,200點徘徊，作戰室都先收起淡倉保正數；如果之後恒指再向下穿23,200點搵肥牛嘅話，恒指熊(56737)，收回價23,682點，同現價有約430點距離，槓桿約38.1倍夠做Day Trade。
到時或者五分鐘圖上面一早見整條保歷加通道向下行，唔緊要，即使指數行Swing，但如果係沿住一條向下運行嘅保歷加通道而落嘅話，方向都係指向淡的；反而比較留意小時圖嘅Slow STC同保歷加底線位置，仲有23,200點呢個位穿定唔穿。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
