【Now財經台】美國銀行策略師哈奈特(Michael Hartnett)發報告指，美元走弱、美債收益率見頂，以及中國經濟復甦等因數叠加下，新興市場股票將出現新一波牛市行情，依家係咪進攻新興市場嘅好時機？
Solomons Group亞太區投資及ESG總監黃耀宗指，美匯走弱會的確令新興市場貨幣有支持，而美債減息周期亦會穩定新興市場。新興市場指數中，中國同印度佔比較大，所以市場會留意呢兩個地方前景，特別係企業盈利前景，能否配合大環境。
不過，佢又指出，印度近期經濟增長無以往強，而中國科技股亦暫時要唞吓氣，所以，佢對於大手進攻新興市場就有保留。
