【Now財經台】去年6月曾申請嚟香港IPO，市傳籌10億美元，仲搵咗中金及摩根士丹利等5大行做聯席保薦人，內地電動車品牌哪吒汽車母公司，最新傳出被申請破產嘅消息。
據全國企業破產重整案件信息網消息指，哪吒汽車母企合眾新能源汽車，被上海禹形廣告有公司申請破產，被執行金額超過1億人仔。
其實公司「出事」似乎都有跡可尋，據內媒之前報道，公司曾傳出開始解散研發團隊，又曾經被供應商「圍堵」總部。
周一(12日)曾有消息指，豐田汽車可會做「白武士」收購哪吒汽車，不過，有豐田汽車(中國)管理層就指「真係冇聽過呢件事」。
睇返資料，去年1月至5月，哪吒汽車嘅電動車出口逾16400部，喺內地排第5位，如果單計「造車新勢力」更加係No.1。
