【Now財經台】內地今朝(30日)出咗4月官方製造業採購經理指數(PMI)，差過預期，並重返收縮區，離岸人仔即時轉弱至7.275，不過，午後傳出中國制定免徵125%關稅美國貨清單嘅消息，人仔即時回勇，並喺7.26水平遇阻，喺關稅戰陰霾下，人仔仲有幾多上升空間？
亨達集團助理總經理羅明立指，中美關稅戰係一場持久戰，相信中國唔想用人仔貶值作為貿易戰「武器」，估計中美雙方仍有得傾。
Patrick續指，中國經濟較差，需要推出好多刺激措施，但受關稅影響，估計人仔匯價唔會有太大變化，短期會喺7.2至7.35上落。
