【Now財經台】放完復活節假，美股繼續跌，連同美元、美債齊齊被拋售，美匯指數跌至逾3年低位，反映市場紛紛避開美國資產，資金主要流向黃金等避險資產，係咪應該繼續買黃金？還是揸Cash？
資深投資者莫家強指，投資者依家應該揸多啲現金，雖然金價近期強勢，亦應該未升完，但金價升得愈高，一旦爆拆倉潮就跌得愈深，始終黃金唔係一家公司，唔會一直生產或提升價值，對普通投資者來講，要小心炒上後，一旦轉勢就會跌得好深，所以建議求穩陣嘅投資者揸多啲Cash。
Alex又話，金價短期可以炒到好高，過往嘅資產炒賣高位，一般較合理值高好多，相信金價短期好大機會再升，甚至升到誇張嘅高位。
佢提醒，要留意美國總統特朗普 (Donald Trump)嘅政策點影響美股走勢，若政策前景開始穩定，市場意識到美股估值開始平，資金將會由金市轉投美股，到時金價可以跌得好急。
