【Now財經台】今個星期係「超級央行周」，全球主要央行會舉行議息會議，其中，日本央行率先公布議息結果，維持利率不變，並指當地通脹預期升溫，消費適度增長，經濟亦溫和復甦，不過，依家日本通脹率4%，但利率維持不變，係咪反映日央行擔心經濟前景多過通脹？
資深經濟師羅家聰指，其實日央行應擔心通脹多過經濟前景，因為當地失業率微跌，國內生產總值(GDP)增長持續上升，整體通脹4%，反映日本有經濟過熱情況，的確有加息嘅迫切性。
KC續指，日本打工仔已根據「春鬥」結果加人工5%至6%，如果唔即時收緊政策壓低通脹，通脹好快會同加薪出現「螺旋式」向上，互相追逐咁升上去。
