【Now財經台】內地8月宏觀經濟數據有回穩跡象，睇返以立投資管理旗下中國基金，今個月跑贏恒生指數，但該公司嘅對冲基金今年表現好過中國基金，回報升逾14%，港股嘅風險胃納其實有冇改善？
以立投資管理董事總經理林少陽指，過去兩個月，尤其係8月，市場情緒都比較悲觀，但今年都有唔少大型國企股上升，個別股價更喺8月創歷史新高，而市場整體風險胃納較去年係有改善。
睇返以立嘅基金持倉，5大持倉有4隻係「中特估」，策略上係咪傾向防守為主，避開增長型及波幅大嘅科網股？林少陽指，成個資產配置嘅目標係，盡量避開外資持倉較重嘅股票，始終中美脫鈎都係一個長線戰略部署，雖然近期中美關係似乎有改善，但大方向係唔會變，外資會持續減持港股，揀「中特估」原因係預期指數未必有上升動力，如果啲公司每年派到8至12厘息，只要股價唔跌，若每年有10%以上淨回報，已大幅跑贏通脹及定期存款。
至於增長型股票，Vincent就話...
