【期匯決算】法國困局難搞 歐元或持續走弱

【Now財經台】歐洲央行維持利率不變，但焦點落喺行長拉加德(Christine Lagarde)提早離任消息上，對歐央行貨幣政策延續性有冇影響？如果真係一如傳聞所指，拉加德提早離開歐央行，係為咗返法國幫手拆財政炸彈，法國係咪有望走出現時嘅困局？

連連STAR FX總經理陳欣指，作為歐洲第2大經濟體嘅法國成為全球焦點，除咗遊行示威不斷、政治碎片化，更重要係，法國財赤已相當於國內生產總值(GDP)5.4%，公共債務更達GDP 120%，就算拉加德真係返去「救國」，能否成功撲火暫都係未知之數，事實上亦係一個艱難任務。

佢又指，一旦法國困局解決唔到，加上現時歐洲第1大經濟體德國經濟都麻麻，令歐元缺乏支持，所以唔排除會繼續走弱。