【FINTERVIEW】內地經濟繼續「內冷外熱」？(上)

【Now財經台】內地今朝(15日)有多項重磅經濟數據出爐，其中，8月工業增加值按年升5.2%，勝預期，8月零售銷售按年升0.4%，差過預期，首8個月固定資產投資及房地產開發投資，分別按年跌7.2%及19.9%。內地經濟係咪繼續「外強內弱」，仍靠出口單天保至尊？

以立投資管理董事總經理兼投資總監林少陽指，情況的確唔太樂觀，除非內地推出重大刺激消費政策，過去幾年，退休人口增加，加上整體人口不斷萎縮，令整體消費需求出現結構性下行壓力，市場情緒或短暫影響股市及金融市場，又相信零售業「內捲」情況持續。

Vincent又指，8月數據顯示，內地工業生產持續加速，呢個係一個亮點，尤其係出口，估計內地經濟會持續「內冷外熱」，雖然零售數據差過市場預期，但都係預期之內，所以未必會對市場帶嚟太大衝擊。