【環球金融快線】從債息睇借貸成本

【Now財經台】美國聯儲局一如預期維持利率不變，美國30年期長債孳息由約5厘抽上5.2厘水平，之後喺高位徘徊，2年期及以下嘅短債息反應冇咁大，但長債息卻普遍扯高，令孳息曲線變斜，係咪就算聯儲局唔加息，債市反應已預示企業及個人長期借貸成本已經增加？

獨立分析師黃耀宗指，始終短債息都係加睇減息預期，估計聯儲局未來幾個月最多加息2次，所以短債息反應唔大。

不過，Andy認為，借貸方面開始出現「借長壓短」或調轉嘅情況，市場擔心現金流強嘅公司都要出嚟借錢，以及信用違約掉期(CDS)等，呢啲因素都會導致整體宏觀借貸環境成本愈來愈貴。