【環球金融快線】美國谷AI發展谷大埋財赤？

【Now財經台】摩根大通行政總裁戴蒙(Jamie Dimon)近日接受訪問時指，市場低估咗地緣政治及財政風險，包括中東戰爭及美國政府赤字持續擴大等，點睇戴蒙呢個「警告」？

獨立市場策略師何啟聰認為，戴蒙提及嘅風險唔一定全部會出現，例如油價升一定會影響通脹，但其實早於2023年開始，油價已經喺每桶80美元水平上落，當時市場都冇特別緊張，現時就要睇油價會唔會上到120美元。戰事方面，俄烏戰爭已持續咗好耐，隨著時間過去，對全球經濟嘅影響愈來愈小，因為市場會有唔同方法避險。

Ivan續指，人工智能(AI)發展會令美國財赤惡化，因為美國用傾國之力去發展AI，如果未來出現一個好大嘅調整期，就會令企業出現債務風險，繼而令國債出問題，屆時稅收或會減少，長期嚟講，美國債務風險仍然存在。