【期匯決算】油價或於89美元遇阻

【Now財經台】美國總統特朗普(Donald Trump)淡化短期內跟伊朗談判嘅可能性，國際油價連升第4日，倫敦布蘭特期油今日(22日)下午一度升至每桶94美元，紐約期油則升至87美元，油價持續反彈係咪市場預期之內？

獨立外匯商品分析師譚家康認為，美伊談判唔會咁順利，尤其兩國每次都各執一詞，所以唔打到最後都唔會停。佢又指，油價比想像中反彈得多，紅海都被封鎖就有啲意外，導致沙特阿拉伯原油出口受阻，引發霍木茲海峽(Strait of Hormuz)以外嘅物流問題。

Pierce又指，現時運油輪只要兜路就可以運輸，所以對油價影響未必太大，又估計油價喺每桶89美元會有阻力。