【期匯決算】Yen見162日本政府才出手？

【Now財經台】「超級央行周」登場，日本央行議息結果今日(16日)搶閘出爐，一如預期加息0.25厘，指標利率升至31年新高，議息結果公布後，日圓兌美元升幅反而收窄，日經指數就由跌轉升，更一度歷史性突破70000關，點睇日圓後市？

1uptick Analytics首席分析師杜浩霆指，正常情況下，加息後日圓應會走強，但今日略為轉強後，又去返昨日(15日)水平，市場焦點落喺會後聲明，日央行將會喺明年4月起減少買債，由於日本經濟唔係特別好，加息好易令經濟收縮或資金緊張，減少買債本質上係對沖，減少喺市場搶國債，令國債價格下跌，變相債息升，希望比市場一個維持寬鬆、刺激經濟嘅印象。

佢又話，日圓依家喺160水平以上震盪，未來要留意美國聯儲局議息會議，同埋日本周五(19日)公布嘅通脹數據，市場預期通脹約1.6%，又估計日本政府短期內出手干預匯市機會唔大，可能要到日圓跌至162水平先會出手。