【專家分析】信達生物股價靠呢種藥「變肥仔」
【分析】 2026/04/30 17:16
【Now財經台】信達生物(01801)首季產品收入按年增長逾50%至38億人仔，3大核心綜合產品線之一嘅信爾美(瑪仕度肽注射液)，係信達跟禮來(Eli Lilly)共同開發嘅減肥藥，已上市項目包括體重管理及二型糖尿病(T2D)治療，其他項目仍處於新藥上市申請(NDA)，如果獲批，係咪會成為股價正面趨化劑？
艾德金融執行董事陳政深指，「瑪仕度肽注射液」主要分為胰高血糖素樣肽-1(GLP-1)及胰高血糖素(GCG)雙重體激動劑，預期2027年收入最高可達到40億至50億人仔。
Ryan又話，集團其他藥物，例如針對胃癌及二線癌藥物等已獲得藥品評審中心(CDE)突破性資格，甚至啟動國際多中心3期臨床研究，估計潛在收入最高可達200億美元，簡單嚟講，唔單止減肥藥，集團所研發其他藥物，例如眼科藥物等亦係亞太區重要商機，因此，集團憧憬空間好大之餘，亦有基礎。
