【環球金融快線】UBS靠靚季績扭股價劣勢？

【Now財經台】瑞銀集團(UBS Group AG)昨晚(29日)派咗季度成績表，截至3月底止第1季，集團多賺80%至30億美元，股價喺業績公布後升約5%，但今年以嚟，仍累跌約10%，呢份靚業績可唔可以成為UBS股價催化劑？

資深經濟師羅家聰認為，UBS有玩財技之嫌，目的係谷高每股盈餘(EPS)，雖然增長唔錯，但股價表現一般，呢波反彈對比其他如人工智能(AI)相關股嚟得慢，同埋UBS股價近年都係一個上落格局，唔算好強勢。

佢又指，無可否認，集團上季業績的確做得幾好，主要係銀行同大市掛鈎，而股價第1季都企喺高位。

KC續稱，UBS財富管理業務佔比較同業大，另一方面，受戰事影響，有唔少錢派到瑞士，UBS呢類銀行有好多古靈精怪嘅操作推高交易收益。