【專家分析】貿易談判美國心急過中國

【Now財經台】美國總統特朗普(Donald Trump) 最新指，有信心喺幾個星期內跟中國達成貿易協議，又話考慮將對華關稅下調至50%至65%。不過，美國財長貝森特(Scott Bessent)有另一個講法，指仍未就關稅問題同北京展開談判，又強調美方唔會單方面提出下調關稅。點解讀呢個口徑不一嘅情況？

東亞銀行財富管理部首席投資策略師李振豪認為，雖然特朗普嘅關稅政策朝令夕改，但佢會將呢啲瘋癲行動視為談判策略。佢續指，特朗普其實係「開天殺價，落地還錢」，關稅稅率只係deep recession同mild recession嘅分別，重點係都存在recession，所以市場嘅樂觀情緒純粹係忘記咗美國仍有通脹及經濟衰退風險。佢認為，即使美國下調關稅，市場出現反彈都只係一個短暫沖喜效果，整體底蘊其實冇變。

李振豪續稱，對中國嚟講，唔做美國生意損失唔大，相反，美國失咗中國生意會對民生造作負面影響，所以喺關稅問題上美國一定心急過中國，因此，中方現時會任由特朗普提出唔同談判條件，同埋視乎對方誠意再睇下一步應該點做。