【環球金融快線】一個原因金價會繼續強勢

【Now財經台】金價昨日(27日)走弱，一度跌20美元至每盎司近2750美元，不過，即使金價回套，距離2024年10月底歷史高位約2790美元，都唔係相差好遠，未來有咩因素會影響金價？金價短期會唔會再破頂？

獨立市場策略師陳俊文指，雖然地緣政局未完全解決，但明顯緩和咗，而美國消費物價指數(CPI)反映美國通脹持續降溫，加上美元強勢，整體嚟講，似乎唔係太有利金價短期表現，但唔排除仍有機會炒上。

Norman續指，金價强勢主要係近期好多傳統及非傳統資金，都唔敢投資咁多資金喺股市及債市，金價因而受惠炒上。佢又認為，暫時金價仍會强勢，雖然有機會出現調整，但只會係大漲小回格局。