【FINTERVIEW】DeepSeek引爆科技核彈？

【Now財經台】內地人工智能(AI)初創公司深度求索(DeepSeek)開發嘅AI大模型R1，上周正式面世，DeepSeek以比OpenAI低逾80%嘅成本，研發出性能可以媲美OpenAI嘅聊天機器人，更登上蘋果公司(Apple Inc.)App Store排行榜No.1，DeepSeek效應昨晚(27日)更引爆美股AI供應鏈股災，其中，英偉達(Nvidia)股價昨晚急瀉逾16%，市值單日蒸發近6000億美元，DeepSeek風暴嘅影響力及殺傷力有幾大？

安柏環球金融首席投資總監雷志海指，美國早已全面禁止出口製造先進晶片設備畀中國，力阻中國追上美國科技發展，雖然DeepSeek嘅AI大模型性能唔錯，亦未必可以完勝美國研製嘅晶片，始終科技研發唔係有資金就可以輕易成功，又認為中美喺AI範疇仍有得鬥。

John又指，今次DeepSeek推出R1，更重要嘅係令市場反思點樣推動AI普及化，依家AI發展已初步成熟，初創公司都研發到性能唔錯嘅晶片，證明中小型企業已經有能力發展AI，未來焦點應該著重普及化。