標籤:分析
【智識賺】Bitcoin大選年有望踩油上？
【分析】 4小時15分鐘前
【Now財經台】美國總統大選在即，其中，共和黨候選人特朗普(Donald Trump)上星期喺紐約一間酒吧，用價值約1000美元嘅比特幣(Bitcoin)，買咗幾十個漢堡包，係第1位美國前總統用Bitcoin買嘢，而民主黨候選人賀錦禮(Kamala Harris)近日喺一場籌款活動上指，會鼓勵人工智能(AI)及數字資產等創新技術，兩黨候選人嘅舉動，係咪反映兩黨都唔敢忽視Bitcoin及虛擬資產支持者？Bitcoin喺大選年第4季嘅走勢係咪都比較好？
三星資產運用香港投資策略師鍾駿指，共和黨支持Bitcoin嘅立場較明顯，民主黨其實都支持虛擬資產，只係冇咁直接，睇返過往Bitcoin價格，冇因為邊個黨執政而有影響，而喺過往每個大選年嘅第4季，不論任何政黨上場，Bitcoin幾乎冇跌過，主要因為新一屆嘅政府會有新一輪開支，亦會發新嘅債，令Bitcoin成為逃險同保值工具，有利Bitcoin價格。
