【Now財經台】新世界發展(00017)即將公布業績,股價上周五(20日)抽升逾6%,突破100天線,今日繼續發力向上,一度再升3.5%,高見7.98元,依家市場上新世界嘅衍生工具只有CALL輪,最貼價一批價外15%,明年中到期,槓桿有4倍,呢個條款算唔算吸引?
瑞銀亞洲股票衍生產品銷售部李梓維指,新世界股價已連升7日,由6.3元升至近8元,近期因美國開始減息,令本地地產股開始受資金關注,多數揀明年6月或之後到期,行使價9元至11元嘅條款,槓桿約4倍,喺槓桿分別唔大之下,建議揀行使價較近嘅條款,因為較易到價。