【環球金融快線】「股息貴族」ETF有兩個輸蝕位

【Now財經台】被稱為標普500指數「股息貴族」(Dividend Aristocrats)交易所買賣基金(ETF)(NOBL)，過去5年，每股派息由1.43美元，慢慢升至去年1.99美元，升逾30%。不過，自2022年啟動加息周期開始，表現其實唔算突出，喺減息周期下，呢隻ETF嘅值博率又高唔高？邊個市場嘅高息股最揀得過？

iFAST Global Markets投資總監溫鋼城指，「NOBL」同標指相比唔算突出，建議選擇標普相關投資，因為指數成分股會將資金推向指數，加上「NOBL」股息率只有2厘，同標普比較冇特別優勢，升值能力亦較標普輸蝕。

Harris認為，在減息周期下，港股會係唔錯嘅選擇，因為港股好多都係「中特估」概念股，不過，佢對個別行業如內銀股就有保留，原因係中央希望內銀減息。