【FINTERVIEW】內地再谷唔起內需 核心CPI恐現負數

【Now財經台】國家統計局今早(9日)公布咗通脹數據，8月內地居民消費價格指數(CPI)按年升0.6%，升上半年高位，其中，食品價格按年升2.8%，按月更升3.4%，撐起整體CPI。內地CPI年初曾出現過負增長，如果之後食品價格及能源撐唔住，今年餘下時間CPI會唔會再出現負增長？

澳新銀行大中華區首席經濟學家楊宇霆指，撇除食品及能源，CPI僅升0.3%，依家核心CPI差唔多接近零水平，如果未來仍然冇辦法提振內需，CPI隨時會再出現負數。

佢又話，運輸類CPI都跌得好厲害，呢個情況同國際油價及內地汽油價格有關，隨著暑假結束，旅遊、本地出行次數減少，若買氣情況有放慢跡象，核心CPI出現負數嘅機會將會大增。