【環球金融快線】財赤對美經濟影響開始浮現

【Now財經台】美國政府自2002年起，每年嘅預算都錄得赤字，其中，爆發疫情嗰兩年，赤字佔國內生產總值(GDP)嘅佔比達雙位數字，而國債佔GDP嘅比例更長期高於100%，雖然自金融海嘯開始已經有呢個問題，但似乎無阻美國經濟及股市上升，點解會出現呢個情況？

馬山資本董事總經理林子傑指，美國自2002年開始已經有財赤問題，但因為削減開支好困難，所以一直靠「印銀紙」解決問題，呢個量化寬鬆(QE)政策，只要美元霸權持續，以及美債仍有人買，實體經濟及股市都唔會出現太大轉變，不過，近一兩年，國際投資者對美債嘅需求減少，反映財赤對美國經濟嘅影響已開始浮現。