【期匯決算】英鎊有機會上試1.325

【Now財經台】市場對美國聯儲局減息0.5厘嘅預期再度升溫，英鎊兌美元彈上1.31水平，今年主要非美貨幣之中，以英鎊表現最強勢，英國採購經理指數(PMI)數據唔差，會點左右英國減息步伐？英鎊又應該點部署？

亨達集團助理總經理羅明立指，英國經濟比歐元區好，通脹近期慢慢回落，但相信英倫銀行減息步伐會比歐洲央行慢，甚至仲慢過美國，加上工黨上場後，市場覺得有機會改善同歐盟嘅關係，呢啲因素都有利英鎊，英鎊兌美元應該守得住1.3水平，並有機會上試1.325，不過，仍要視乎美元表現，若美元走勢唔係太差，英鎊上升空間有限，只係相對好過歐元。