【專家分析】Nvidia股價企得穩呢個位可入場

【Now財經台】美國「AI股王」英偉達(Nvidia，美股:NVDA)日前出完業績後，股價持續受壓，昨晚(29日)收市挫逾6%，雖然Nvidia季績唔差，但市場對集團前景指引反應一般，雖然Nvidia股價業績後持續向下，但跌幅係咪仍算溫和？股價會調整到幾時？

博威環球證券金融首席分析師聶振邦指，Nvidia收入及盈利都好過預期，但市場對集團前景睇法有保留，導致股價放榜後向下，而相比拼多多(美股:PDD)及快手(01024)業績後嘅跌幅，Nvidia跌幅已算溫和，加上Nvidia盈利仍可倍升，市盈率(PE)有條件回落，令估值變得吸引，但市帳率(PB)仍偏高，所以短期仍有機會受壓，建設投資者再觀察多兩個交易日，如果企得穩110美元樓上，可以考慮入場，但股價暫時仍受制於130美元。