【專家分析】歐洲選舉令大量資金湧美股

【Now財經台】有數據據顯示，截至6月19日止，有260億美元資金湧入股票基金，較對上一周僅60億美元大幅增加，值得留意係，幾乎所有資金都流入美股，當中又以科技基金吸金力最強，除咗英偉達(Nvidia)外，同其他科技股有冇關？歐洲局勢又有冇影響資金流向？

星展銀行(香港)豐盛私人客戶執行董事鄧威信表示，大量資金流入股票基金同人工智能(AI)熱潮有關，加上美股有最多嘅相關投資選擇，唔少美股嘅AI相關股份都能夠帶嚟實際盈利貢獻，市場對AI發展前景有好大憧憬，自然吸引唔少資金流向美股，尤其係科技股。

Wilson又認為，歐洲局勢亦會影響資金流向，例如法國近期進行選舉，極左勢力抬頭令股市氣氛變得緊張，導致法國股市波動性增加，令資金流向美股。