【專家分析】炒聯想要睇AI PC表現？

【Now財經台】第1季全球個人電腦出貨量自2022年以來再次增長，聯想集團(00992)穩佔一哥地位，市場佔有率達23%，如果今年有強勢換機潮，聯想係咪最受惠？

耀才證券研究部總監植耀輝指，龍頭喺生產規模有優勢，多年嚟聯想都係一個比較出色品牌，當電腦出貨量規模增加，喺市場佔有率不變下，出貨量就會上升，聯想喺市場佔有率亦有不斷增加趨勢，如果遇上換機潮，聯想會係最受惠嘅品牌。

佢又話因為受到中美關係嘅影響，所以股價回落好合理，如果人工智能個人電腦(AI PC)推出嘅表現好，聯想股價都唔會差，短線會喺8元至10元區間上落。