【名家給力場】係時候落注美國保險股

【Now財經台】美股今個星期步入業績高峰期，上周受科技股調整拖累嘅標普500指數及納斯達克指數，終止6連跌。至於道瓊斯指數喺高息環境下，4月表現暫時略勝標指同納指，當中唔少保險股破頂。

資深投資者莫家強表示，保險股板塊半個月前出現過調整，但上周美股開始回調後喺低位見到支持，例如近幾日反彈嘅iShares安碩美國保險交易所買賣基金(ETF)。佢睇好板塊中長線繼續升，建議現水平開始「落注」。

此外，Alex話大型銀行股表現都唔錯，點名摩根大通(J.P. Morgan)、美國銀行(BoA)同花旗集團(Citigroup)。