【環球金融快線】Bitcoin今年提早炒「減半」唔襟升

【Now財經台】加密貨幣龍頭比特幣(Bitcoin)4年一度嘅「減半」(Halving)可能快將出現，Bitcoin價格上個周末曾經「閃崩」，Bitcoin價格短期會唔會因為「減半」效應持續大幅波動？投資者應唔應該喺呢個時候買Bitcoin？

資深經濟師羅家聰指，Bitcoin過往因「減半」效應的確升得唔錯，可以升逾1年，但今年唔少人已提早獲利，換言之，大家都係炒早咗，所以較難好似以往升咁耐，估計今年較後時間或明年初就會見咗高位，但想炒到今年年尾就比較難。

佢又提醒，雖然Bitcoin升幅較大，但要注意時限性。此外，Bitcoin係一種投機投資，唔應該投放太多資金，避免急挫時損失較大。