【環球金融快線】日韓央行快出手救匯價

【Now財經台】市場原本預期2024年係全球主要央行嘅減息年，又估計美國聯儲局會帶頭減息，點知美國經濟及就業數據出乎預期地強勁，令美息走向愈來愈唔明朗，歐洲央行及英倫銀行最新更指，有可以早過美國減息，不過，亞洲央行利率政策仍受制於聯儲局，不少國家嘅央行都要出手干預當地貨幣匯價，下一個會出手會係邊個國家？

東亞銀行首席投資策略師李振豪估計，應該輪到南韓及日本央行，前者因為跟美國車跟得太貼，但通脹情況其實同美國唔同，加上執政黨喺上周國會選舉失利，變成跛腳鴨政府，大量資金趁機調走，令韓圜大幅貶值，後者係因為脫離負利率政策，令企業借貸成本上升，加上「春鬥」數據顯示白領相隔多年終於有人工加，但唔等於民眾願意消費促進經濟，綜合以上嘅情況，只要國力跟唔上，資金就會流走，轉揸美元，令美國成為最大贏家。