【名家給力場】若美掉頭加息金融市場有難？

【Now財經台】美國通脹爆冷高過預期，已令市場對聯儲局嘅減息預期急降溫，瑞銀(UBS)最新更指出，聯儲局掉頭加息嘅機會大增，聯邦基金利率明年有可能上調至6.5厘。若美國真係「不減反加」，係咪會對環球市場帶嚟好大衝擊？

資深經濟師羅家聰認，對外圍嘅打擊會較大，因為好多新興市場都頂唔住高息及強美元，如果再加息會令美國跟非美國家嘅息差拉闊，脆弱嘅新興市場匯價會首當其衝急挫，一旦匯價上升，新興市場就焗住要跟美國行高利率，繼而令當地貨幣貶值，因此，美國加息會對新興市場造成好大衝擊。

KC又話，加息亦會對股市、樓市構成好大威脅，一旦股、債、樓都表現唔好，投資者嘅選擇就只剩返加密貨幣比特幣(Bitcoin)或個別商品，包括跟經濟關聯度低嘅金及銀等，可以抗通脹之餘，亦唔太受經濟拖累。佢又指，一旦經濟出問題，石油、銅等商品價格亦會下跌。