【專家分析】趁美AI股回調執平貨等再升

【Now財經台】美股昨晚(15日)先升後跌，市場憂慮以色列將回應伊朗攻擊，加上美國3月零售銷售強勁，市場對聯儲局推遲減息嘅預期升溫，道指單日轉向，由一度飆400點，到收市跌逾200點，已連跌6個交易日，而3大指數中，以納指跌得最多，收市跌近2%，美股後市仲有幾大下調空間？可唔可以趁大市氣氛轉弱撈人工智能(AI)慨念股？

高富金融集團投資總監梁偉民指，美股之前受AI熱潮帶動，無視債息上升嘅負面影響，不過，最近AI相關股份都喺高位出現整固及回落，反映AI熱潮有冷卻跡象，但唔排除之後會回勇，如果大市短期冇咗AI相關股份支撐，債息上升對美股嘅影響會明顯浮現，佢估計，美股未來有機會再回調2%至3%。