【環球金融快線】日股快見頂？

【Now財經台】日本央行上周宣布加息及結束負利率政策後，加上行長植田和男嘅言論，被市場評為「鴿式加息」，日圓喺議息後不升反跌，最新變動唔大，繼續企喺150水平。《日經新聞》綜合分析官方言論後，指「不除任何手段，採取適當行動」已等同準備出手，日本政府短期出手干預嘅機會大唔大？

iFast Global Markets副總裁溫鋼城估計，日本官方只會作出輕微干預，唔會有太大動作，始終日本債務高，如果利率水平太高，日本政府會好難處理。佢又指，依家當地通脹2.8%，估計最多加息1厘，預期美國6月會減息，喺總統大選前最多減息兩次，就算利率降至5厘，美日息差仍有一段距離，資金較易流向美國，有機會影響日圓及日股走勢。

Harris又話，日圓喺152水平會有較大阻力，而日經平均指數已經升至40000點樓上，未必再有好大上升空間，所以佢對後市有保留。